2020/09/28 - 10:20
Kryetari i Komunës së Prizrenit, Mytaher Haskuka dhe drejtoresha e Drejtorisë për Ekonomi dhe Financa, Leonora Çerreti kanë mbajtur një takim me shefat e grupeve të kuvendarëve dhe anëtarët e Komitetit për Politikë dhe Financa.
Gjatë këtij takimi joformal u diskutua në lidhje me planifikimin e buxhetit të vitit të ardhshëm, pikë e cila është edhe në rend dite të mbledhjes për Politikë dhe Financa, që do të mbahet të hënën, më 28 shtator.
Në takim kuvendarët shprehën sugjerimet dhe kërkesat e tyre për projekte të ndryshme dhe subvencione, sidomos për zbutjen e efekteve negative të shkaktuara si pasojë të pandemisë.
