Gjatë këtij takimi bënë edhe nënshkrimin e protokollit për transferimin e dokumenteve që përmbajnë të dhëna të vlefshme mbi krimet e kryera gjatë luftës në komunën e Rahovecit.

Këto dëshmi do të ndihmojnë në dokumentimin e të vërtetës historike dhe do të kontribuojnë në ruajtjen e kujtesës kolektive për brezat e ardhshëm. Arkivat e kësaj natyre janë dëshmia e dhimbshme, por e domosdoshme, për të kaluarën tonë dhe për drejtësinë që duhet të vendoset.

Komuna e Rahovecit mbetet e përkushtuar për bashkëpunim ndërinstitucional për dokumentimin e krimeve të kryera gjatë luftës nga shteti i Serbisë.

Ne si institucion bëjmë thirrje te qytetarët e Rahovecit dhe më gjerë që çkado që ata kanë si dëshmi: fotografi, videogjirime, përjetime e të tjera, që lidhen me krimet e kryera në luftën e fundit në Kosovë, të bashkëpunojnë me institutin në fjalë ose me ne si Komunë dhe kësisoj do të kontribuojnë shumë në këtë proces të rëndësishëm të dokumentimit të krimeve të cilat do të shërbejnë edhe në zbardhjen e së vërtetës, por edhe për hulumtime dhe studime të ndryshme shkencore në lidhje me krimet e luftës së fundit nga shteti i Serbisë.