Udhëhequr nga Kryesuesi – Arbër Zenuni, u mbajt seanca e muajit shtator, e nënta e rregullt për këtë vit kalendarik. Sot, 24 shtator 2024, e martë.

Të pranishëm në seancë përveç shumicës së kuvendarëve, si zakonisht ishin edhe Kryetari i Komunës, Smajl Latifi, Nënkryetari Fatmir Iska, drejtorët e drejtorive komunale, zyrtarët komunalë, mediat që monitorojnë seancën dhe përfaqësuesit e OSBE-së.

Fillimi i seancës karakterizohet me votim të procesverbalit nga mbledhja e kaluar, për të vazhduar me diskutime dhe pyetje të ndryshme drejtuar kryetarit dhe drejtorive përkatëse.

Pyetjet dhe diskutimet ishin rreth këtyre çështjeve:

Problemet e mungesës së ujit dhe reduktimet gjatë natës për lagjen e epërme;

Kërkesat kundrejt KRU Gjakovës;

Problemet me energji, rruga “Vëllezërit Frashëri” – vendosja e trafos;

Infrastruktura në Komunën e Rahovecit – trajtimi i rrugëve dytësore;

Diskutime rreth konkurseve, mënyra e vlerësimit dhe deficiti i kuadrove;

Kyçja në kanalizim për shtëpitë në rrugën “Vëllezërit Frashëri”

Problemet me aparat të fotokopjes nëpër shkolla;

Problemet me nyje sanitare në shkollën “Faik Konica” – Celinë;

Shtëpia e masakrës në Krushë të Madhe – procesi i shpronësimit;

Funksionalizimi i QMF- së në Krushë të Madhe;

Kujdestaria e shtatë barnatoreve në qytet;

Mbyllja e përkohshme e AMF-së në Opterushë – defekti me lagështi;

Çështja e ballkonit panoramik;

Gjendja jo e mirë e rrugës “Xhafer Nurkasa” në qytet;

Uji i pijshëm – kompetencat e KRU Gjakovës;

Trajtimi i rrugëve fushore;

Mbikëqyrja dhe hartimi i projekteve;

Infrastruktura sportive;

Qendra multifunksionale;

Propozimi për investime në bilborde në qytet;

Sheshi qëndror;

Në të gjitha pyetjet e parashtruara, anëtarët e kuvendit morën përgjigje të strukturuara dhe konkrete nga kryetari i komunës – ekzekutivi.

RENDI I DITËS ishte me 6 pika

1. Shqyrtimi dhe miratimi i procesverbalit nga mbledhja e kaluar;

2. Pyetjet, përgjigjet dhe diskutimet e kuvendarëve;

3. Shqyrtimi dhe miratimi për ndryshimin dhe plotësimin e vendimit 01 Nr.235/24 i datës 25.07.2024 për shpalljen me interes të përgjithshëm publik;

4. Shqyrtimi dhe miratimi i propozim-vendimit për miratimin e buxhetit për vitin 2025;

5. Shqyrtimi i Informatës nga DKA-ja, për përgatitjet për fillimin e vitit të ri shkollor 2024/2025;

6. Shqyrtimi i Informatës nga DKRS-ja, rreth muajit të mërgimtarëve;

Rendit të ditës, me shumicë votash iu shtuan edhe dy PIKA SHTESË:

Vendimi për dhënien në shfrytëzim e pronës së paluajtshme të komunës – lokalet afariste të stacionit të autobusëve në Rahovec, personave fizikë dhe juridikë;

Vendimi për formimin e komisionit për zbatimin e procedurave dhe shqyrtimin e ofertave të dhënies në shfrytëzim afatshkurtër të pronës së komunës – lokalet e stacionit të autobusëve – Rahovec;

Nga 28 kuvendarë të pranishëm, me 16 vota “për”, 8 kundër dhe 4 abstenim, U MIRATUA BUXHETI I KOMUNËS SË RAHOVECIT PËR VITIN 2025 – 20.982.000€

Gjithashtu, pikat tjera të rendit të ditës u votuan me shumicë votash dhe njëzëri nga anëtarët e kuvendit.

Seanca u cilësua dinamike dhe konstruktive.

Si gjithmonë edhe për këtë seancë, nga Sekretaria e Kuvendit do të përgatitet procesverbal dhe i njejti do të publikohet në këtë vegëz në web-faqen zyrtare të komunës: https://kk.rks-gov.net/…/ekstraktet-e-procesverbaleve…/

Video-incizimin e mbjedhjes së kuvendit mund ta gjeni në këtë vegëz:https://kk.rks-gov.net/rahovec/video-incizimet-e-mbledhjeve/