Republika e Kosoves

Rahovec

KRYETARI LATIFI APEL PËR KRYETARËT E KËSHILLAVE TË FSHATRAVE DHE LAGJEVE URBANE NË RAHOVEC

2020/03/24 - 7:09

Të nderuar qytetarë,

Pas situatës së krijuar nga rreziku i infeksionit COVID-19, ka shumë familje të cilat në këto ditë jo të lehta kanë nevoja të shumta dhe nuk kanë mundësi për të përmbushur kërkesat themelore për familjet e tyre, andaj apeloj te të gjithë kryetarët e këshillave të fshatrave dhe lagjeve urbane në Qytetin e Rahovecit, që sa më shpejtë të jetë e mundur, të na dërgojnë listën e familjeve që kanë nevojë për pako ushqimore dhe higjienike.

Ky apel bazohet edhe në vendimin e fundit të marrë për themelimin e Nënshtabeve Lokale për parandalimin e infeksionit COVID-19, e të cilat duhet të jenë në koordinim të plotë me Shtabin e Posaçëm Emergjent Komunal në Rahovec.

Lista duhet të përmbajë: emrin, mbiemrin, numrin e telefonit, vendbanimin dhe numrin e anëtarëve të familjes.

Listën mund ta dërgoni në emailin e mëposhtëm.

Komuna.rahovec@rks-gov.net