Republika e Kosoves

Rahovec

PËRKUJTOHET 22 VJETORI I MASAKRËS SË KRUSHËS SË MADHE

2021/03/29 - 8:30

Në 22-vjetorin e masakrës së Krushës së Madhe, Kryetari z.Smajl Latifi me bashkëpunëtorë, invalidë e veteranë, familjarë të të rënëve, bënë homazhe dhe nderime , te Kompleksi Përkujtimor në Krushë të Madhe, ku kujtuan dhe nderuan të gjithë ata që u vranë, masakruan e u zhdukën nga okupatori serb në luftën për liri.

“Në këtë ditë nderuam e përkujtuam me përkushtim të lartë gjakun dhe veprën atdhetare të të rënëve për liri, të 241 të vrarëve dhe  masakruarve , prej të cilëve 64 ende mungojSot, në 22-vjetorin e masakrës së Krushës së Madhe dhe masakrës së Krushës së Vogël, me bashkëpunëtorë, invalidë e veteranë, familjarë të të rënëve dhe qytetarë të shumtë, bëmë homazhe dhe nderime, te Kompleksi Përkujtimor në Krushë të Madhe dhe në Krushë të Vogël.

Nderuam njerëzit që lanë me gjak tokën shqiptare, për çlirimin e saj nga zgjedha e rëndë e robërisë sllave.

Nderuam dhe u përkulëm para gjakut të fëmijëve, grave, burrave dhe pleqve që u masakruan nga bishat serbe.

Lavdia dhe nderimi ju takon të rënëve për liri, ndërsa neve na bie për hise të punojmë e angazhohemi për jetësimin e aspiratave tona kombëtare”,- tha kryetari Latifi.

 

Zyra për Marrëdhënie me Publikun