Shënimi i kësaj date është një mundësi për të kujtuar rrugën e gjatë që kanë bërë gratë në luftën e tyre për të drejta, barazi, barazi ekonomike, politike dhe sociale. Ne e ndjekim atë rrugë sot, duke shprehur mirënjohje dhe respekt për çdo grua në çdo hap. Në kohën që jetojmë, sfidat me të cilat përballemi tregojnë dhe konfirmojnë se gratë kanë qenë dhe mbeten shtylla e shoqërisë sonë, e familjeve tona. Në këtë ditë ne simbolikisht i drejtohemi në këtë mënyrë, ndërsa jam i mendimit dhe qëndrimit që çdo ditë e kemi për obligim t’i japim respekt dhe mirënjohje femrës. Unë gjithmonë dhe në çdo vend kam mbështetur dhe do të mbështes barazinë, një pozicion më të mirë dhe respektin më të madh të mundshëm për gratë.
