Shtime, 16 shtator 2022 – Sot u mbajt dëgjimi i radhës lidhur me draft -buxhetin komunal 2023-2025, me subjektet politike në Shtime.

Kryetari i komunës, z.Qemajl Aliu, hapi diskutimin duke ritheksuar se buxheti i ri do të ketë në themel kërkesat e qytetarëve, pa dallime politike.

Në këtë dëgjim publik kryetari, drejtorët dhe zyrtari kryesor financiar iu përgjigjën pyetjeve dhe kërkesave të pjesëmarrësve që në fokus kishin investimet kapitale.

Kurse, zyrtari kryesor i Financave, Bujar Ferati, para tyre prezantoi draft buxhetin komunal 2023-2025, për secilën drejtori dhe kategori përkatëse.