2019/04/18 - 2:03
Kryetari i Komunës së Skenderajt, z.Bekim Jashari, nënkryetari z.Nuredin Lushtaku dhe drejtori për Arsim, z.Bekim Latifi, kanë vizituar sot dy shkollat e mesme të qytetit; Gjimnazin “Hamëz Jashari” dhe Shkollën e Mesme Teknike “Anton Çetta”, të cilat kanë përfituar një donacion nga Fondacioni zviceran “Solon”, prej 140 kompjuterëve, për punën praktike në kabinetet e tyre të teknologjisë.
Gjatë bashkëbisedimit me nxënësit shkollave të mesme, kryetari Jashari, u ka thënë atyre të jenë të angazhuar maksimalisht në procesin edukativo-arsimor, tanimë që kushtet për mësim praktik, janë më të mira.
Kryetari Jashari ndërkaq, ka premtuar përkrahje të vazhdueshme për nxënësit e komunës sonë, me anë të ndarjes së bursave, për nxënës të dalluar.
Vlen të përmendet fakti se, të shtunën e kaluar, kryetari Jashari nënshkroi marrëveshjet me studentët e Skenderajt, për ndarje të 164 bursave, në vlerë prej 500 eurove për secilin student.
