Republika e Kosoves

Skënderaj

Ka nisur rregullimit të sistemit të kanalizimit që shtrihet në Runik, Bajë, Syriganë dhe në një pjesë të Pemishtës dhe te Çitakët, i gjatë 22 mijë metra

2022/08/26 - 9:45

Ka nisur dhe një tjetër projekt i madh kapital në komunën e Skenderajt, ai i rregullimit të sistemit të kanalizimit që shtrihet në Runik, Bajë, Syriganë dhe në një pjesë të Pemishtës dhe te Çitakët, i gjatë 22 mijë metra.
Për të parë ecurinë e punimeve, sot në vendin mes Syriganës dhe Pemishtës kanë dalë kryetari i Komunës, Fadil Nura dhe drejtori për Urbanizëm dhe Mbrojtje të Ambientit, Driton Mulaj.
Kryetari Nura ka bashkëbiseduar me punëtorët e kompanisë e cila është duke kryer punimet e realizimit të projektit.
Projekti në fjalë është një tjetër veprim i Komunës së Skenderajt që me financim të buxhetit publik, është duke realizuar ndërtimin e kanalizimit për këto fshatra, duke e zgjidhur problemin e ujërave të zeza.