Në fillim të kësaj mbledhje, Kryetari i Komunës së Skenderajt z. Bekim Jashari ka folur për punën gjashtë mujore, sfidat, vështirësitë si dhe projektet e reja dhe projektet që janë duke u zhvilluar në Komunën e Skenderajt. Pastaj Kryetari Jashari hapi debatin për pyetje dhe kërkesa që kanë qytetarët.

Qytetarët përmes pyetjeve u njoftuan në detaje për punën dhe projektet që janë duke u zhvilluar, ata patën edhe kërkesa në rregullimine kushteve infrastrukurore, poashtu qytetarët mirëpritën angazhimin e Kryetarit Jashari për eliminimin e deponive ilegale për një ambient më të pastërt si dhe përkushtimin në të gjitha fushat e tjera.