Republika e Kosoves

Skënderaj

Kryetari Bekim Jashari priti në takim zv. Kryeministrin / Ministrin e Diasporës dhe Investimeve Strategjike Dardan Gashi

2018/07/04 - 3:44

Kryetari i Komunës së Skenderajt z. Bekim Jashari së bashku me nënkryetarin z. Nuredin Lushtaku dhe drejtorin për kulturë z. Ramiz Shala priti në takim zv. Kryeministrin Kosovës / Ministrin e Diasporës dhe Investimeve Strategjike, z. Dardan Gashi me bashkëpunëtorë.

Diaspora mbarë-shqiptare mblidhet në Prekaz më 1 gusht

Mes tjerash gjatë këtij takimi u diskutua më konkretisht për manifestimin të datës 1 dhe 2 gusht, Dita e Diasporës, i cili manifestim që nga viti 2013 është mbajtur tradicionalisht në Kompleksin Memorial “Adem Jashari”.

Edhe këtë vit, Kryetari Jashari dhe ministri Gashi, u dakorduan që gjatë datës 1 gusht, tradicionalisht të organizohen homazhe tek varrezat e Familjes Jashari për bashkatdhetarët tanë, organizim ky i përbashkët mes përfaqësuesve të Familjes së Komandantit Legjendar Adem Jashari, Komunës së Skenderajt dhe Ministrisë së Diasporës dhe Investimeve Strategjike.

Në këtë ceremoni do të merr pjesë edhe Ministri i Shtetit për Diasporën nga Shqipëria, z. Pandeli Majko si dhe personalitete të tjera nga! jeta politike shqiptare në Kosovë, Shqipëri e Maqedoni.

Ndryshe, data 2 gusht në Kosovë është e rregulluar me Ligjin mbi Diasporën, dhe shënon ditën e Diasporës. Gjatë dy ditëve, Ministria e Diasporës në bashkëpunim me partnerë të ndryshëm, organizon aktivitete të shumta dhe ndër të tjerat ndan edhe çmimet për Mërgimtarin e Vitit si dhe çmimet për Gazetarin / Storien e vitit për Diasporën.