2018/08/10 - 10:03
Kryetarët e komunave Skenderaj, Mitrovicë dhe Vushtrri, z.Bekim Jashari, z.Agim Bahtiri dhe z.Xhafer Tahiri, kanë nënshkruar marrëveshje bashkëpunimi për mbështetje të
Qendrës Rajonale për Strehim dhe Mbrojtje të viktimave të dhunës në familje me seli në Mitrovicë.
Në marrëveshjen e nënshkruar, kryetarët e tri komunave kanë marrë obligime të sigurojnë kushte të përshtatshme për punë në këtë qendër.
Kryetari Jashari ka thënë se është jashtëzakonisht i domosdoshëm angazhimi i institucioneve, si në nivelin lokal ashtu edhe në atë qendror, që t’i shtojnë përpjekjet për të krijuar kushte dhe mekanizma, për të mbrojtur çdo viktimë të dhunës në familje.
