Republika e Kosoves

Skënderaj

Kryetari Jashari priti në takim udhëheqësit e Fondit të Kosovës për Efiçiencë të Energjisë

2020/05/20 - 2:25

Kryetari i Komunës së Skenderajt, Bekim Jashari, priti në takim udhëheqësit e Fondit të Kosovës për Efiçiencë të Energjisë, Kryesuesin e Bordit, Lum Mita, Drejtorin Menaxhues Admir Shala, Arton Berisha- Anëtar i Bordit si dhe Dije Rizvanolli nga Ministria e Financave dhe Transfereve , me të cilët foli rreth bashkëpunimit në fushën e efiçiencës së energjisë.

Nga ky delegacion, Kryetari Jashari, u informua për mundësitë që ky fond ka hapur për mbështetjen e komunave në projekte të efiçiencës së energjisë në ndërtesa publike si: Shkolla, Ambulanta, Qendra të kulturës e sportit etj.

“Falënderova Fondin e Kosovës për Efiçiencë të Energjisë dhe donatorët për këtë mundësi, duke kërkuar që këto fonde të shfrytëzohen mirë dhe kështu të kemi impakte pozitive në mirëqenien e qytetarëve tonë”, shtoi tutje Kryetari Jashari.