2018/04/24 - 7:44
Sot, Kryetari i Skenderajt, z. Bekim Jashari, së bashku me Drejtoreshën e Urbanizmit, znj. Sanije Ahmeti, pritën në takim, znj. Gwendoline Mennetrier, me bashkëpunëtorë përfaqësues nga UN-habitat.
Qëllimi i takimit ishte nënshkrimi i Memorandum Mirëkuptimit për zbatimin e projektit “Programi për Zhvillim Gjithëpërfshirës”, Përmes këtij projekti dhe me mbështetje të UN Habitatit, Komuna e Skenderajt do ta hartoj hartën zonale në gjithë territorin e saj. Poashtu kjo marrëveshje do të shërbejë në ngritjen e kapaciteteve dhe mbështetjen e Komunës së Skenderajt në lidhje me planifikimin dhe zhvillimin e integruar hapësinor dhe urban.
Me rastin e nënshkrimit të kësaj marrëveshje, Kryetari, z. Bekim Jashari, falënderoi UN-Habitatin për mbështetjen e dhënë në financimin e këtij projekti shumë të rëndësishëm për qytetarët dhe Komunën e Skenderajt.
Gjithashtu pjesë e këtij projekti është edhe fuqizimi i organizatave të shoqërisë civile për të rritur pjesëmarrjen e tyre në procesin e vendimmarrjes si dhe rritja e bashkëpunimit mes komunës dhe institucioneve të qendrore.
Vlen të theksohet se Komuna e Skenderajt nga gjitha komunat tjera të këtij projekti, është duke prirë në këtë projekt.