2021/03/04 - 4:58
Njoftohen të gjithë qytetarët e Komunës së Skenderajt, personat fizik dhe juridik, se në përputhje me Udhëzimin Administrativ Nr.03/2020, për Transparencë, duke filluar nga data 04.03.2021 deri me datën 04.04.2021 do të dalë në diskutim publik Draft Plani Rregullues i Hollësishëm “Parku Industrial në Marinë 2021-2029” Komuna Skenderaj, me nr. 01-350/01-0011855/21.
Draft Plani Rregullues i Hollësishëm “Parku Industrial në Marinë 2021-2029” mund të shkarkohet përmes web faqes së Komunës së Skenderajt, po ashtu rekomandimet dhe sugjerimet eventuale qytetarët mund t`i paraqesin në adresën zyrtare komuna.skenderaj@eks-gov.net.
Takimi me qytetarë i shqyrtimit publik dhe prezantimi i projekt- “Planit Rregullues të Hollësishëm Parku industrial në Marinë 2021-2029”, do të bëhet në Sallën e Kuvendit të Komunës së Skenderajt, me dt.19.03.2021, në ora 10:00, sipas dispozitave të nenit 7 dhe 8, të UA Nr.05/2014.
Për të promovuar gjithë përfshirjen dhe transparencën mbahet prezantimi publik shtesë në Polac në Shkollën Fillore “Drenica” me dt.19.03.2021, në ora 14:00.
Ekspozimi i Projektit Planit Rregullues të Hollësishëm “Parku Industrial në Marinë 2021-2029, bëhet nga dt.04.03.2021, në hollin e Drejtorisë së Urbanizmit të Komunës së Skenderajt.
Shpallja e njoftimit për takimin me qytetarë për shqyrtim publik të projekt Planit Rregullues të Hollësishëm “Parku Industrial në Marinë 2021-2029, bëhet tetë (8) ditë, para mbajtjes së tij përmes mjeteve të informimit publik, përkatësisht tri (3) gazetat e përditshme, faqen e internetit të Komunës, dhe në mediat televizive publike dhe lokale.
Projekt Plani Rregullues i Hollësishëm “Parku industrial në Marinë 2021-2029, Komuna e Skenderajt” i nënshtrohet vërejtjeve, komenteve dhe sugjerimeve të publikut para se të finalizohet, konform nenit 14 dhe 15 të UA Nr.05/2014.
Në shqyrtim publik prezantohet pjesa tekstuale dhe hartografike e projekt Planit Rregullues të Hollësishëm “Parku industrial në Marinë 2021-2029, Komuna e Skenderajt”.
Mirëpresim kontributin qytetarë për finalizimin dhe kompletimin e Draft Planit Rregullues të Hollësishëm “Parku Industrial në Marinë 2021-2029” .
Më poshtë gjeni linkun ku mund të shkarkoni Draft Planin Rregullues të Hollësishëm “Parku Industrial në Marinë 2021-2029”.
