Për nder të 8 Marsit, drejtoresha e Zhvillimit Ekonomik, Besarta Meha-Ademi dhe zyrtarja për Barazi Gjinore, Qefsere Dautaj, kanë mbajtur një takim jo formal me të rinjtë dhe të reja, ku kanë bashkëbiseduar për rolin e gruas në shoqëri, si dhe i kanë njoftuar të rinjtë për aktivitetet e Komunës për zhvillimin e pozicionit të gruas në shoqërinë dhe mundësinë se si këta të rinj të kontribuojnë në qeverisje lokale. Ky takim është realizuar në bashkëpunim edhe me Qendrën Rinore Publike.