Me nderime të larta nga kryetari i Komunës, Fadil Nura, nënkryetari Sami Lushtaku, ish – komandanti i UÇK-së, Jetullah Geci, familjarët, bashkëluftarë, drejtorët komunal dhe qytetarë, sot janë bërë homazhe te varri i dëshmorit Arben Haliti, në Kompleksin e Dëshmorëve në Marinë.

Me këtë rast, janë vendos kurora me lule dhe është mbajt një minutë nderim, duke e nderuar kështu kontributin në luftë dhe sakrificën e Arben Halitit, në 24 vjetorin e rënies së tij.

Po sot, është nderuar edhe vepra dhe rënia e dëshmorit Xhemshir Islami nga Mikushnia, i cili ka rënë hero në Koshare.