Kryetari i Komunës, Fadil Nura, bashkë me drejtorët e Ekzekutivit, Rrezarta Hasani – Ibrahimi dhe Kastriot Duraku, kanë mirëprit sot në takim afaristin e suksesshëm në Gjermani, Haxhi Reci, i cili ka ndarë bursa për nxënës dhe ka ndihmuar disa nxënës tjerë me libra dhe tekste shkollore, të cilët nuk kanë arritur ende të pajisjen me mjete shkollore.

Kryetari Nura është shprehur mirënjohës ndaj Recit, duke e falënderuar për kontributin e dhënë për nxënësit e shkollave të mesme dhe fillore të komunës sonë.

Afaristi Haxhi Reci ka ndihmuar edhe në të kaluarën vazhdimisht rastet me vështirësi ekonomike dhe vazhdon ta bëjë edhe tani, dhe vlen të theksohet renovimi i disa shtëpive të familjeve si raste sociale.