2021/01/14 - 12:29
Vërshimet e fundit që ndodhën në Kosovë, kanë bërë dëme të konsiderueshme edhe në fushën e bujqësisë edhe në komunën tonë.
Gjatë këtyre ditëve Kryetari i komunës, Bekim Jashari,bashkë me nënkryetarin Nuredin Lushtaku si dhe drejtorë komunal, kanë vizituar fermerët në zonat me të prekura nga vërshimet, duke parë nga afër dëmet e shkaktuara në fushat bujqësore.
“Të gjithë fermerëve që janë prekur nga këto vërshime dhe u janë shkaktuar dëme ju bëjmë thirrje që të aplikojnë në komunën e Skenderajt, për të cilat dëme kompensimi do të bëhet nga Qeveria e Kosovës”, është shprehur Jashari.
Aplikimi bëhet përmes kërkesave të cilat duhet të dorëzohen në administratën e komunës, deri me datën 20.01.2021, ku pas aplikimit komisioni i vlerësimit do të shqyrtojë të gjitha kërkesat dhe do të verifikojë dëmet e shkaktuara.
Në përkrahje të fermerëve!
