Kryetari i Komunës së Vushtrrisë, Ferit Idrizi, dhe sekretari i përgjithshëm i Ministrisë së Kulturës, Rinisë dhe Sportit, Xheladin Krasniqi, kanë nënshkruar sot marrëveshje bashkëfinancimi për renovimin e stadiumit “Ferki Aliu”, në vlerë 6,000,000.00€.

Me rastin e nënshkrimit të marrëveshjes, kreu i Vushtrrisë tha se tashmë sportistët do të kenë kushte më të mira.

“Me realizimin e këtij projekti, qyteti i Vushtrrisë do të ketë një stadium modern dhe i njëjti do të ofroj kushte më të mira për sportistët vushtrrias.Urime të gjithë qytetarëve vushtrrias, posaçërisht tifozëve “Forca”!”, tha kryetari Idrizi.

Kryetari Idrizi ka falënderuar ministrin e MKRS-së, Hajrullah Çeku, për bashkëpunimin dhe mbështetjen.