Sot, në Vushtrri në Gjimnazin “Eqrem Çabej” u mbajt gara në lëndën e matematikës nga Shoqata Matematike e Kosovës në bashkëpunim me DKA-Vushtrri. Në këtë Olimpiadë Matematike të Kosovës (XVII) morën pjesë nxënësit e klasave të VII-ta, VIII-ta, IX-ta, X-ta, XI-ta dhe XII-ta, gjithsej 133 nxënës.

Nxënësit fitues nga kjo garë do të marrin pjesë në Olimpiadën XVII Matematike të Kosovës – OMK 2025, e cila do të mbahet më 16 nëntor 2024 në Prishtinë.

DKA në Vushtrri falënderon për angazhimin gjithë drejtorët e shkollave, mësimdhënësit, koordinatorin e garave në nivel komunal prof.Refik Maloku bashkë me komisionin: Prof.Jeton Gjaka, Fitim Merovci dhe administruesit: drejtorin e Gjimnazit Galip Avdiu, prof.Naip Azemi dhe zyrtaren e DKA-së Sadete Gërgurin.

Nxënësve ju dëshirojmë suksese në garën e radhës!