2018/04/16 - 4:54
Përmes aktiviteteve solemne, nesër edhe zyrtarisht nis projekti i madh i ndarjes së mbeturinave të riciklueshme në burim, në gjithë territorin e Komunës së Vuhtrrisë
Ky projekt i cili po përkrahet nga financiarisht nga GIZ-i gjerman dhe Komuna e Vushtrrisë, dhe po zbatohet nga Green Art Center, do të filloj me një ceremoni që do të mbahet në qendër të Vushtrrisë, në Sheshin të ‘Kalaja e Qytetit’. Lancimi dhe hapja zyrtare e projektit “Zbatimit të skemës së ndarjes së mbeturinave të riciklueshme në burim” në Komunën e Vushtrrisë, parashihet të zhvillohet ditën e martë, më datën 17.04.2018 në orën 11:00, afër ‘Kalasë së Qytetit’ në Vushtrri.
Po ashtu si pjesë e projektit herët në mëngjes po ashtu nesër do të filloj vendosja, zëvendësimi dhe shpërndarja e kontejnerëve në zonën qendër të qytetit nga Kompania për menaxhimin e mbeturinave “Uniteti” Vushtrri.
Më poshtë gjeni të bashkangjitur dhe agjendën e aktivitetit.
| AGJENDË | |
| Koha | Aktiviteti |
| 06:00-15:00 | Vendosja, zëvëndësimi dhe shpërndarja e kontejnerëve në zonën qendër të qytetit.
”Uniteti” Vushtrri |
| 11:00-11:30 | Përurimi i projektit
Fjalë rasti nga kryetari I komunës, z.Xhafer Tahiri Fjalë rasti nga udhëheqësi i projektit të GIZ-SMS, z.Hofmann Fjalë rasti nga përfaqësuesi i ORF në Kosovë, z.Hyseni |
| 11:30-12:00 | Marsh vetëdijësues, nxënësit e klubeve të gjelbra të shkollave në Vushtrri. |
| 12:00-15:00 | Informim i qytetarëve rreth procesit të ndarjes së mbeturinave të riciklueshme në burim pranë PGM të komunës së Vushtrrisë. |
