THIRRJE PUBLIKE-për financimin e projekteve te personave juridik – OJQ-ve në vlerë mbi 500 euro nga fusha e kulturës, rinisë dhe sportit
2021/04/16 - 3:06
THIRRJE PUBLIKE
- Për financimin e projekteve të personave juridik – OJQ-ve, në vlerë mbi 500.00€, nga fusha e Kulturës, Rinisë dhe Sportit, bazuar në kriteret më poshtë:
- 1. Për të gjitha Organizatat Jo-Qeveritare të regjistruara në Republikën e Kosovës, programi i punës i cili është i fokusuar në fushën e kulturës, rinisë dhe sportit, dhe që përfshijnë aktivitete të realizuara në Komunën e Vushtrrisë, të aplikojnë për mbështetje financiare:
- Personat juridik – OJQ-të në përputhje me këtë thirrje publike mund të aplikojnë me projektet/programet e tyre për fushat prioritare si në vijim:
Kulturë:
- Manifestime; (shënimi i datave me rendësi historike, festave kombëtare dhe ndërkombëtare dhe datave tjera me rendësi për komunën e Vushtrrisë)
- Teatër; ( prodhimi i shfaqjes dhe promovimi i tyre)
- Muzikë;( kompozimi i veprës se re dhe fuqizimi i muzikanteve te rijnë)
- Arte vizuele; ( fuqizimi i veprës se re dhe organizimi i ekspozitës ne hapësira publike)
- Tradicionale, përmes të cilave do të promovohen vlerat kulturore;
- Aktivitetet që kanë për qëllim nxitjen e autoriteteve lokale, institucionet publike dhe
akterëve të tjerë për bashkëpunim me shoqërinë civile në promovimin, zhvillimin dhe rritjen e pjesëmarrjes në programet kulturore;
- Zhvillimi i turizmit kulturor;
- Aktivitete letrare; (orë letrare, tribuna letrare)
- Projektet lidhur me hartimin e politikave / programeve dhe dokumenteve lokale me qëllim të zhvillimit të kulturës dhe bashkëpunimin e shoqërisë civile me institucionet lokale në veçanti te kulturës.
Rini:
- Konferenca, Forume, Seminare, Trajnime, Punëtori, Debate, Hulumtime, për të rinjtë që ndikojnë drejtpërsëdrejti në nxitjen e aktiviteteve rinore dhe luftimin e dukurive negative tek të rinjtë;
- Rritja e kohezionit social ndëretnik në mes të rinjve;
- Konsolidimi, funksionalizimi dhe fuqizimi i organizatave rinore;
- Mbështetja e aktiviteteve rinore, promovimi i vullnetarizmit, integrimi i grupeve rinore dhe atyre të margjinalizuara, mbështetja e ideve-projekteve si dhe promovimi i talenteve;
- Konsolidimi dhe promovimi i legjislacionit për rininë sidomos ai lokal;
- Mbështetja për përfshirjen sociale dhe organizimi i ngjarjeve promovuese dhe
tradicionale rinore;
- Aktivitete, mobilizimi që ndërlidhen me aktivizëm të rinisë aktive në kohën e pandemisë ( COVID 19);
Sport:
- Aktivitet sportive; ( klube dhe shoqata sportive)
- Pjesëmarrja e klubeve sportive në gara kampionale dhe për kupën e Republikës të organizuar nga Federatat përkatëse;
- Pjesëmarrja nëpër turne të ndryshme në vend dhe regjion:
- Organizimi i turneve me rastin e festave shtetërore dhe kombëtare;
- Edukimi i të rinjve përmes sportit (projekte edukative për grup-mosha të reja);
- Organizimi I turneve me rastin e shënimit të datave përkujtimore.
- Vlerësimi i projekteve do të bëhet nga një komision 5-anëtarësh, të cilët do t’i vlerësojnë projektet në bazë të kritereve për vlerësim, sipas rregullores MF-NR 04/2017 mbi kriteret dhe procedurat e financimit publik të OJQ-ve, dhe rregullores NR.144/18 të Komunës së Vushtrrisë , mbi ndarjen e subvencioneve.
Kriteret vlerësuese shtesë janë: raporti paraprak narrativ dhe financiar, për projektin paraprak.
- Aplikimi i OJQ-ve do të konsiderohet i plotë nëse përmban të gjitha format e aplikimit dhe anekset e detyrueshme siç kërkohet në thirrjen publike dhe dokumentacionin e thirrjes si në vijim:
- Formulari i Aplikacionit për projekt/programin (e shtypur dhe CD );
- Formulari i propozim buxhetit ( e shtypur dhe CD)
- Formulari i deklaratës për mungesë të financimit të dyfishtë (e shtypur);
- Formulari i deklaratës se partneritetit(e shtypur nëse ka me shume se dy OJQ)
- Formulari i deklaratës se projekteve te financuara(e shtypur)
- Kopja e certifikatës se regjistrimit OJQ –se;
- Kopja e certifikatës së numrit fiskal;
- Vërtetimi që OJQ, nuk ka obligime ndaj ATK-së
- Kopja e konfirmimit nga banka për xhirollogarinë e aplikuesit;
- Kopja e dokumentti identifikues të personit te autorizuar te OJQ-se;
- Dëshmi që ka dorëzuar raportin financiar dhe narrativ nga viti paraprak (vetëm për përfituesit për vitin 2020);
- Afati I fundit për dorëzimin e projekt propozimeve është 15 dite pune dhe përfundon me datën 07.05.2021
- Vlera e planifikuar e mbështetjes financiare: 70.000 Euro
- Personat juridik – OJQ-të mund të aplikojnë me më së shumti nje (1) projekt në kuadër të kësaj thirrje publike. Periudha e zbatimit të projektit është deri ne muajin dhjetor 2021
Të drejtë aplikimi me projektet e tyre kanë Personat juridik – OJQ-të, që janë të regjistruara në regjistrin e organizatave jo-Qeveritare në Republikën e Kosovës, së paku një vitë para publikimit të Thirrjes Publike, të cilat aplikojnë me projekt/programe me interes për Komunën e Vushtrrisë.
Personat juridik – OJQ-të duhet të kenë kryer transaksionet financiare në mënyrë transparente sipas legjislacionit për OJQ-të në Republikën e Kosovës dhe në përputhje me rregullat e kontabilitetit si dhe të kenë përmbushur detyrimet kontraktuale ndaj Drejtorisë së Kulturës Rinisë dhe Sportit.
Para nënshkrimit të kontratës, Personat juridik – OJQ duhet të paraqesë prova se menaxheri i projektit nuk është nën hetime për vepra penale, si dhe prova se Personat juridik – OJQ-të kanë zgjidhur çdo çështje të hapur rreth pagesës së kontributeve dhe tatimeve të papaguara, nëse është e aplikueshme.
- Propozimet do të dorëzohen vetëm në formularët e paraparë, të cilat së bashku me Udhëzimet për Aplikantët, janë në dispozicion në faqen e internetit të ofruesit të mbështetjes financiare
www.kk.rks-gov.net/vushtrri/.
Thirrje Publike nga DKRSDokumentet e kompletuara duhet të dërgohen personalisht në zarf të mbyllur, në adresën e mëposhtme:
Komuna e Vushtrrisë
Rr.”Adem Jashari”
(zyra e pranimit, QSHQ ne objektin e komunës )
Procesi i pranimit, hapjes dhe shqyrtimit të aplikacioneve, vlerësimit të aplikacioneve, kontraktimi, dhënia e fondeve, koha dhe mënyra e parashtrimit të ankesave, trajtimi i dokumenteve dhe kalendarin tregues të zbatimit të thirrjes janë të detajuara në Udhëzimet për aplikuesit e thirrjes publike.
Do të konsiderohen për mbështetje financiare vetëm projektet që janë pranuar brenda afatit të paraparë me këtë thirrje publike, dhe të cilat i përmbushin plotësisht kushtet e përcaktuara të thirrjes publike.
- 9. Të gjitha çështjet që lidhen me thirrjen publike mund të sqarohen në mënyrë elektronike, duke dërguar e-mail në adresën: v.rexhepi@rks-gov.net deri me datën 23.04.2021
Me date 21.04. 2021 (e mërkure) ne ora 11:00, organizohet sesioni informues ne hapësirat e kalasë se qytetit!
Vërejtje:
Projektet të cilat nuk i kanë të bashkangjitura dokumentet sipas kërkesës nuk do të merren parasysh nga Komisioni për shqyrtimin e kërkesave.
Shpenzimet e papranueshme përfshijnë: inventari, qiraja për zyre, komunalit si dhe nuk përkrahen projektet e OJQ-ve që mund të kenë ndikim politik, religjioz etj.
Komuna e Vushtrrisë nuk është e detyruar të ndajë të gjithë buxhetin e paraqitur në aplikacion.
Buxheti do të ndahet për projektet kualitative të vlerësuara nga komisioni përkatës.
Dokumentet dhe informacionet mund t’i shkarkoni në linqet e mëposhtme:
Thirrje Publike nga DKRS
F9-Formulari-i-Aplikacionit-per-projekt
F10-Formulari-i-propozim-Buxhetit-te-Perojektit
F11-Forma-e-deklarates-per-financimin-e-dyfishte
F12_Formular_i_deklarates_se_partneritetit
F13 Forma e deklarates se projekteve te financuara
F17 Formular i raportit pershkrues (narrativ) te projektit
F18 Formular i raportit financiar te projektit