2025/01/06 - 12:17
Komiteti për Komunitete i Kuvendit Komunal ka mbajtur mbledhjen e radhës, të cilën e udhëheqi kryesuesi Xhafer Ademi.
Në fillim të mbledhjes u miratua procesverbali i mbledhjes së muajit dhjetor. Pas kësaj pike, kryesuesi i mbledhjes në mungesë të zyrtares për barazi gjinore propozoi që pika “Informatë e Njëstit për të Drejtat e Njeriut në Komunën e Podujevës rreth fushatës kundër dhunës në familje” të shtyhet për një mbledhje të radhës, propozim të cilin e përkrahën anëtarët e Komitetit.
Ndërsa pikën “Informatë për realizimin e Planit të Punës së Komitetit për Komunitete për vitin 2024”, e prezantoi kryesuesi Xhafer Ademi, ku i paraqiti aktivitetet të cilat janë realizuar në kuadër të Planit nga ky Komitet bashkë me akterë bashkëpunues.
Gjatë mbledhjes u bë edhe ngritja e grupit punues për hartimin e Planit të Punës të Komitetit për Komunitete për vitin 2025.
