2024/11/20 - 2:26
Ju njoftojmë se është nënshkruar kontrata për realizimin e projekteve të reja në kuadër të efiçiencës së energjisë në Komunën e Podujevës, nga Fondi Kosovar për Efiçiencë të Energjisë (FKEE).
Këto projekte që përfshijnë investime në objekte shkollore, përmirësojnë kushtet për nxënësit dhe mësimdhënësit tanë dhe në të njëjtën kohë kontribuojnë drejtpërdrejt në kursimin e energjisë dhe mbrojtjen e mjedisit.
Vlera e investimit është 698,728.80 euro.
Me projektin e efiçiencës së energjisë do të investohet në:
IAAP “Isa Boletini”,
SHFMU “Ali Ajeti” në Lladoc,
SHFMU “Hamit Sejdiu” në Pakashticë (paralelen e ndarë të Kërpimehut),
SHFMU “Shefki Kuleta” në Tërrnavë.
Në këto objekte do të realizohet:
Izolimi termik i mureve dhe kulmeve, ndërrimi i dritareve, përmirësimi i ndriçimit, përmirësimi i sistemit të ngrohjes dhe ujit sanitar.
