2024/12/16 - 10:25
Kryetari i Komunës së Kamenicës, Kadri Rahimaj, ka uruar të gjithë studentët të cilët kanë përfituar bursë komunale.
Kryetari Rahimaj në takimin që pati me këta student tha se këta të rinjë me potencial të jashtëzakonshëm për fushën e shkencës, kulturës, gjuhës e artit janë edhe gjallëri e qytetit tonë.
I pari i komunës theksoi se këta 145 studentë kanë përfituar bursë komunale në vlerë prej 46,600 euro, të cilat janë ndarë për 90 vajza e 55 djem.
“Dita e shtunë na gjeti me të ri e të reja nga Kamenica, të dalluar në fushat e tyre të studimit, tashmë edhe përfitues të bursës komunale. Kamenica po dëshmon për kuadro që mund t’i shërbejnë komunitetit dhe sfidave globale, e tillë është Esma Fera.
Në muajin maj të vitit 2025, Esma do të përfundojë studimet në Amerikë në fushën e biologjisë molekulare dhe qelizore kur fusha e saj e studimeve është zbulimi i hershëm i gjeneve të caktuar që ndihmojnë zbulimin e hershëm të kancerit të vezoreve.
Mbështetja për studentët do të vazhdojë”, ka thënë Kryetari Rahimaj.
