Në Kamenicë, po përfundon pastrimi, rregullimi i parkingut,  i  cili gjendet  përballë qendrës së regjistrimit civil të komunës sonë . Kompania ‘’Ardhmëria’’, nga fshati Topanicë, e cila po bënë rregullimin e këtij parkingu, sot ishte duke bërë punimet përgatitore për asfaltim, ky projekt kap vlerën rreth 40 mijë euro.

Norbert Pijls- Koordinator i projektit  Logos, dje  e ka vizituar komunën e Kamenicës, njëherit  edhe është  pritur  nga kryetari  i  Komunës z.Shaip Surdulli. Qëllimi i  vizitës në Kamenicës të  koordinatorit për projekte të Logos-it, Norbert  Pijls ishte finalizimi i  projekteve  të filluara  më parë,  siç janë: përfundimi i kanalizimit në fshatin Karaçevë e Poshtme, si dhe furnizimi me inventar  të ambulancës në fshatin Poliqkë.

Në organizimin e Kosovo Center for Internacional Cooperatin,  KCIC-së,  nga Gjilani, sot  u mbajt Kampi Multietnik ‘’Karaçeva/o 2010’’, në fshatin Karaçevë të Poshtme. Financues të këtij kampi ishin: Komuna e Kamenicës, USAID, dhe  Mercy Corps. Në hapjen  e Ceremonisë së këtij kampi, pos mbështejes financiare të pranishëm ishin  Kryetari i  Komunës së Kamenicës Shaip Surdulli, përfaqësuesit e USAID, si dhe të Mercy Corps,  nxënës të shumtë, dhe qytetarë etj.

Në shumicën e shkollave  fillore dhe atyre të mesme të Komunës së Kamenicës, sot ka filluar procesi mësimor, duke përjashtuar tri shkollat që kanë mbetur ende pa filluar procesin  mësimor;  Gjimnazi “Ismail Qemali” pa paralelet e ndara  fizike, shkolla e re në Lagjen “Malësia” dhe  paralelja e ndarë e shkollës fillore “ Sadri Misini “ në Shipashnicë të Poshtme .