2016/03/07 - 2:17
Klubi i Karatesë “Fushë-Kosova”, në bashkëpunim me Drejtorinë e Kulturës, Rinisë dhe Sportit në Fushë-Kosovë dhe Federatën e Karatesë së Kosovës, nën Patronazhin e Kryetarit të Komunës, z, Burim Berisha, kanë organizuar turneun e tretë ndërkombëtar të karatesë “Fushë-Kosova Open 2016”.
Në këtë turne po marrin pjesë 40 ekipe me mbi 300 karateistë nga Kosova, Maqedonia, Shqipëria dhe Mali i Zi.
Pjesë e këtij turneu kanë qenë karateistët e të gjitha grupmoshave.
Kryetari Klubit të Karatesë “Fushë-Kosova” Bashkim Ibrahimi, u uroi klubeve pjesëmarrëse suksese në këtë turne njëkohësisht falënderoi Kryetarin e Komunës së Fushë-Kosovës z.Burim Berisha për përkrahje të vazhdueshme.
Ndërsa Fadil Arifi, Kryetar i Federatës së Karatesë së Kosovës tha se në Fushë-Kosovë po vihen themelet e një aktiviteti prestigjioz, duke shprehur besimin se në një të ardhme të afërt karateistët e rinj do ta përfaqësojnë Kosovën në arenën ndërkombëtare.
Kurse, Kryetari i Komunës së Fushë-Kosovës z.Burim Berisha tha se ky turne është mundësi e mirë të shohim se ku qëndron niveli i karatesë së Kosovës në raport me ato të rajonit.
Klubi i Karatesë “Fushë-Kosova” nderoi me mirënjohje Kryetarin e Komunës së Fushë-Kosovës Burim Berishën si dhe përfaqësuesit e klubeve nga rajoni.
Karateistët të cilët arritën rezultate kulminante në turneun ndërkombëtar “Fushë-Kosova Open 2016” nga organizatorët u pajisën me mirënjohje, medalje dhe kupa.
