2024/12/19 - 4:25
Komuna e Fushë Kosovës ka nderuar këtë vit publicistin dhe shkrimtarin e mirënjohur, Enis Reçica, me çmimin prestigjioz “Krijues i vitit 2024”.
Enisi u vlerësua për kontributin e tij të jashtëzakonshëm në fushën e letrave dhe publicistikës, duke sjellë vepra të cilat kanë ndikuar pozitivisht në promovimin e kulturës dhe identitetit shqiptar. Gjatë fjalës së tij falënderuese, Reçica u shpreh: “Ky çmim është një nder i madh për mua dhe një motivim për të vazhduar përkushtimin tim ndaj krijimtarisë artistike dhe pasqyrimit të vlerave tona kombëtare”.
Nga ana e tij, Nënkryetari i Komunës së Fushë Kosovës, z.Besnik Osmani gjatë fjalës së tij përshëndetëse, e cilësoi Reçicën si një ambasador të kulturës dhe një frymëzim për gjeneratat e reja, duke theksuar rëndësinë e promovimit të talenteve lokale që pasurojnë jetën kulturore të vendit.
Çmimin për Reçicën e ndau Prof. Emin Emini – Fitues i këtij çmimi nga viti i kaluar i cili tha se ky çmim, i cili ndanë çdo vit Komuna e Fushë Kosovës, synon të nderojë individët që me krijimtarinë dhe punën e tyre kontribuojnë në avancimin e artit dhe kulturës në komunën tonë.
