2022/11/25 - 3:52
Në sheshin “Nëna Terezë” në Fushë Kosovë është zbuluar sot shtatorja e heroit të kombit Hysen Zogjani.
Zbulimin e shtatores e bënë nënkryetari i komunës z.Fadil Krasniqi, z.Azem Syla dhe familjarët e dëshmorit Hysen Zogjani.
Për figurën e ndritshme të heroit të Kosovës Hysen Zogjanit folën: z.Fadil Krasniqi, Gjeneral z.Kudusi Lame, z.Nait Hasani i cili evokoi kujtimet e tija për dëshmorin, si dhe në emër të Shoqatave të dalura nga lufta foli Gjavit Jashari. Në emër të familjes po ashtu foli dhe falënderoi vëllai i tij binjak, Ademi.
Prezent në këtë ceremoni përveç qytetarëve të shumtë dhe institucioneve lokale e qendrore, ishte edhe ministri i Mbrojtjes z.Armend Mehaj.
Në zbulimin e shtatores së heroit Hysen Zogjani me nga një pikë muzikore kushtuar heroit të lirisë Hysen Zogjani, u prezantuan vajza e tij Arbnora dhe këngëtari i mirënjohur Ilir Shaqiri.
