Ky projekt i cili po realizohet në zonën kadastrale ‘Miradi e Poshtme’ deri tek fshati ‘Batuse’ është financuar nga Autoriteti Rajonal i Pellgjeve lumore, Ministria e Ekonomisë dhe Ambientit në bashkëpunim me Komunën e Fushë-Kosovës.

Përmes këtij projekti synohet krijimi i një pamjeje moderne të kësaj pjese të fshatit si dhe shtimi i hapësirave gjelbëruese. Projekti në këtë fazë do të përfshijë largimin e mbeturinave, rregullimin e shtratit të lumit në të dy anët, rregullimin e argjinaturave të dëmtuara.