Drejtoria e arsimit bashkë me drejtorët e shkollave fillore dhe të mesme të komunës sonë në takimin e sotëm kanë shqyrtuar një varg çështjesh që kanë të bëjnë me funksionimin e sistemit të arsimit.

Drejtori i arsimit, z. Azem Guri fillimisht ka njoftuar lidhur me përgatitjet për përfundimin sa më me sukses të vitit mësimor e pastaj ka njoftuar drejtorët e shkollave edhe me masat që do të merren lidhur me fillimin e vitit të ri shkollor 2010/ 2011. Gjithashtu drejtorët e shkollave u njoftuan me një Urdhëresë që saktëson mënyrën e përfundimit të suksesit. Kjo Urdhëresë këtë vit po bëhet me qëllim që t’iu iket përvojat jo të mira të përmbylljes së suksesit përfundimtarë nëpër shkolla. Drejtorët gjithashtu janë sugjeruar që të i prezantojnë saktë numrin e orëve mësimore ku mbulohen me arsimtarë të pakualifikuar me qëllim të publikimit të konkursit për vitin vijues mësimor. Në takimin e sotëm u caktua edhe orari i mbajtjes së garave komunale në 7 lëndë mësimore për nxënësit e klasave të VI, VII dhe VIII –ta, për nderë të 11 Qershorit – Ditës së Çlirimit të komunës sonë.

Në këtë takim drejtorëve iu komunikua Vendimi I Drejtorisë së Arsimit që semimatura për nxënësit e klasave të nënta të mbahet nga ora 15:00 deri në orën 20;00 për t’iu ikur orëve të vona të natës.