Ftohen për vizitë miqësore në Berlin një grup nxënësish nga Sllatina
2010/03/19 - 12:00
Drejtori komunal për Arsim, z. Azem Guri sot priti në një takim miqësor dy këshilltarët, z. Oliver J. Rolofs dhe z. Tim Gurtler, e diplomatit gjerman z.Wolfgang Ischinger.
Dy këshilltarët e z. Ischinger kanë ftuar një grup nxënësish nga shkolla e fshatit Sllatinë që të realizojnë një vizitë miqësore në Berlin të Gjermanisë në fund të muajit qershor.
Të gjitha shpenzimet e udhëtimit dhe qëndrimit në Gjermani do ti bart familja Ichinger. Miqësia në mes të nxënësve të shkollës së Sllatinës dhe familjes Ischinger ka filluar pas luftës kur familja Ischinger financoi ndërtimin e shkollës së re në Sllatinë.
Në takim mori pjesë edhe drejtori i shkollës fillore “Ali Asllani” nga Doganajt, z. Enver Dalloshi, ndërkaq shkolla fillore e Sllatinës është paralele e ndarë e shkollës fillore “Ali Asllani” nga Doganajt.
