QKMF- ja në Kaçanik në bashkëpunim me AQH-në dhe KOPF- in , organizuan sot karvanin shëndetësor,,PërShëndetje”, në sheshin e qytetit.

Aktivitetin e përshëndeti edhe nënkryetari i komunës Sabedin Vishi, i cili i shoqëruar nga drejtoresha e Administratës Komunale Dardana Tafili Dauti, përcolli nga afër karvanin shëndetësor, ndërsa përgëzoi drejtorin e QKMF-së Dr.Sinan Zeneli dhe stafin përcjellës për këtë organizim.

Ky aktivitet, ngjalli interesim tek të gjithë qytetarët e moshat pa dallim, të cilët kishin mundësinë që nga afër të marrin informacionet e duhura për shëndetin si dhe të mirat që sjellin vetitë e mira si ushqyerja e shëndetshme, aktivitetet fizike etj.

Ata u informuan për:

– Faktorët e rrezikut të sëmundjeve jo ngjitëse

– Dëmet që shkakton duhanpirja

– Dëmet që shkaktohen nga konsumimi i alkoolit

– Mosaktiviteti fizik

– Këshilla për ushqyeshmëri të shëndetshme