Shkolla fillore “Idriz Seferi” , ka hapur thirrjen për aplikim në “Shkollën Verore” për fëmijët nga diaspora, për periudhën 3 korrik – 14 korrik, 2023 me temë “Gjuha shqipe, një rrugë për lidhje me trashëgiminë tonë”.

Kjo do të realizohet përmes një programi të strukturuar mësimor, aktiviteteve kreative dhe interaktive që inkurajojnë përdorimin e gjuhës shqipe në një mjedis argëtues dhe përkrahës.

“Shkolla Verore” do të zhvillohet në shkollën fillore “Idriz Seferi”, në Kovaçec dhe është e hapur për të gjithë fëmijët e diasporës së komunës së Kaçanikut.

Mosha e fëmijëve pjesëmarrës që mund të aplikojnë është 8-15 vjeç.

Nxitoni, vendet janë të limituara!