Shkrimi i plotë i Kryetarit Gashi:

“Sot, 25 vjet nga rënia në altarin e lirisë të Agim Ramadani-Katana, burr trim, strateg i përmasave botërore, Heroi i Kombit e Heroi im…

Me këtë rast, me nder e krenari isha pjesë e orës letrare: “Shqipet e Mërgatës”, organizuar në bashkëpunim me Lidhjen e Krijuesve Shqiptarë në Mërgatë, në shënimin e Ditës së Dëshmorëve të Betejës së Koshares dhe ditës së rënies së Heroit të Kombit, Agim Ramadani-KATANA.

Agim, malli për ty sa vjen e shtohet, por krenaria dhe lavdia për veprat tua jetojnë në brendësinë e shpirtit tim.. në mendjen e zemrën time je i shkrirë por nuk do të tretesh, ashtu siç dhe vet e thurre në vargje:

“Tani unë jam hi dhe hije nuk kam

Se kam ndërruar jetë dhe askush nuk e di

Më kërkojnë pyesin ku kam mbetur

Në trupin tënd të brishtë jam shkrirë

Nuk jam tretur…”

Agim, ti je vet historia e lirisë dhe pavarësisë së Kosovës!

Lavdi jetës dhe veprës tënde! Lavdi të rënëve për liri!

Xhafer Gashi”