045137007
038/200-41313
email:arba.mirena@rks-gov.net
Arba Mirena
(Drejtore e Kulturës, Rinisë dhe Sport)
Arba Mirena, u lind më 09 gusht 1998, në Prishtinë. Shkollimin fillor e kreu në vendlindje në Hade, shkollim e mesëm të ultë në shkollën “Dr.Ibrahim Rugova” në Obiliq. Shkollimin e mesëm e përfundoj në Gjimnazin “17 Shkurti” në Obiliq drejtim shkencat e natyrës, për të vazhduar më studime në Universitetin e Prishtinës “Hasan Prishtina”, në Fakultetin e Mjekësisë, në Prishtinë.
Në mandatin e dytë (2) të Kryetarit Xhafer Gashi (2019-2021), ishte e angazhuar si Zyrtare për Marrëdhenie me Publikun (Zëdhenëse), duke kryer me përgjegjësi të plotë angazhimin e saj në krijimin e komunikatave dhe marrëdhenieve me media e qytetarët. Në periudhën e pandemisë Covid-19, ishte pjesë e Shtabit Emergjent Komunal, si anëtare/koordinatore mes Qeverisë dhe Komunës duke treguar bashkëpunim të mirfilltë institucional në menaxhimin e situatës me Covid-19, informimin e saktë për gjendjen me pandeminë Covid-19 në Obiliq, njëkohësisht njoftimin dhe kontaktimin e qytetarëve me Covid-19.
Qysh herët ishte pjesë aktive në fushën e politikës por edhe ka përfunduar trajnime të shumta në fushën e PIAR-it (marrëdhenieve me publikun). Gjithmonë ishte përfaqesuese e zëshme e të rinjve, duke filluar nga shkolla fillore dhe e mesme, për të vazhduar në përfaqesimin e gjeneratës në Fakultetin e Mjekësisë.
Përkushtimi i saj vijon në Drejtorinë e Kulturës, Rinisë dhe Sportit, duke patur në prioritet zhvillimin e aktiviteteve të shumta kulturore e artistike, fuqizimin e të rinjve dhe sportit në Komunën e Obiliqit, promovimin e identetit të komunës, mbrojtjen e aseteve të trashëgimisë kulturore e artitektonike.
Jeton dhe vepron në Obiliq, me familjen.
