Kryetari i komunës së Obiliqit Xhafer Gashi uron festën e Fitër Bajramit të gjithë besimtarëve myslimanë, me rastin e festës së Fitër Bajramit duke shprehur urimet më të përzemërta për agjërim dhe lutje të pranuara për sa më shumë mbarësi e begati në familjet tona!

Urimi i plotë i kryetarit Gashi:

“Bashkëqytetarë të nderuar,

Të nderuar besimtarë të fesë islame,

Pas muajit të bekuar të Ramazanit, që me përkushtim, sakrificë e devotshmëri së bashku me familjet tona përfunduam obligimin ndaj Zotit të madhërishëm, duke na u mundësuar të shënojmë festën e madhe të Bajramit, festë e bashkimit, unitetit dhe bujarisë.

Në prag të kësaj feste, me lejoni të shpreh urimet më të përzemërta për agjërim dhe lutje të pranuara, për sa më shumë mbarësi e begati në familjet tona, me lutjet ndaj Zotit të madhërishëm që të na derdhë mëshirën e tij mbi të gjithë ne dhe të na udhëheqë në çdo rrugë të jetës!

Gëzuar festën e Bajramit të Fitrit!

Shëndet e mirësi për secilin!

Xhafer Gashi”