Komandanti i Karabinierëve italianë në Kosovë viziton Suhareken

2024/05/22 - 1:54

Kryetari i Komunës së Suharekës z. Bali Muharremaj,  ka pritur sot në takim komandantin e Karabinierëve italianë të Njësisë së Specializuar Multinacionale të KFOR-it në Kosovë, kolonelin Massimo Rosati. Në këtë takim kryetari Muharremaj  dhe koloneli Rosati kanë biseduar rreth  mundësive të bashkëpunimit në dobi të qytetarëve në lëmi të ndryshme. Kryetari Muharremaj fillimisht e ka njoftuar komandantin italian me zhvillimet në komunë, aktivietet dhe të arriturat e Komunës si në zhvillimin ekonomik, kulturë, sport dhe në ambient të pastër me të cilin krenohet Suhareka. Më pastaj ata kanë vizituar Sheshin e Qytetit, Urën e Madhe si dhe Objektin e ri të Shtëpisë së Kulturës “Ukë Bytyçi”.