U prezantua projekti “ Diafest “ para përfaqësuesve të fshatrave të komunës sonë

2010/06/25 - 12:00

Në takim u bisedua edhe rreth procesit të caktimit të lokacionit për mbeturinat e ngurta. Z. Zeqir Kurtishaj, Drejtor i Drejtorisë për mërgatë, njoftoi të pranishmit me projektin “ Diafest “ ( Diaspora feston ), i cili është paraparë të realizohet në dy etapa :

–          etapa e parë ( 16, 17, 18 korrik 2010, nga ora 1900-2400 ) dhe

–          etapa e dytë ( 6,7, 8 gusht 2010 nga ora 1900- 2400 ).

Implementues të këtij projekti do të jenë Komuna e Suharekës, Drejtoria e mërgatës, komuniteti i biznesit dhe shoqëria civile. Rreth përzgjedhjes së kryesive të fshatrave në takim u kuptua se pjesa dërrmuese e fshatrave e kanë zgjedhur kryesinë. Poashtu edhe rreth caktimit të lokacionit për deponitë e mbeturinave të ngurta shumica e fshatrave e kanë kryer këtë obligim. Në prani të nënkryetarit z. Bali Muharremaj, kryetarëve aktual të fshatrave të komunës sonë, përfaqësuesve të  Drejtorisë për mërgatë, u mbajt takimi në të cilin u prezantua projekti i Drejtorisë për mërgatë “ Diafest “ si dhe u bisedua rreth zgjedhjes së kryesive të fshatrave.