Republika e Kosoves

Obiliq

Kryetari Gashi, gjatë vizitës nëpër zonat e prekura nga vërshimet: “nuk ka vend për panik, situata është e menaxhueshme“

2021/01/11 - 5:51

Kryetari i Komunës së Obiliqit, Xhafer Gashi, së bashku me kryeshefin ekzekutiv të Korporatës Energjitike të Kosovës, z.Luigj Imeri, kanë vizituar rrugën Obiliq-Palaj, e cila si rezultat i daljes se lumit Sitnica nga shtrati është e pakalueshme, por, fatmirësisht bankina përreth TC “Kosova B”, është në gjendje të rregulltë.
Kryetari Gashi, ka njoftuar qytetarët
të cilët frekuentojnë rrugën Obiliq-Palaj,se: “Deri në normalizimin e situatës në këtë pjesë të rrugës, si rrugë alternative mund ta shfrytëzojnë rrugën e minieres nga fshati Dardhishtë, që shpie deri në fshatin Lajthishtë, Siboc, Hade , Shipitullë dhe Graboc.“
Ai, gjithashtu është shprehur se: “ Të gjithë mekanizmat emergjent, po vazhdojmë të qëndrojmë në teren,nuk ka vend për panik, sepse situata është e menaxhueshme, ju lus për mirëkuptim dhe bashkëpunim!”