Kryetari i Komunës së Dragashit, z.Bexhet Xheladini, prezantoi para qytetarëve të dhënat e përgjithshme për projekt-buxhetin e vitit 2024 dhe përmendi disa nga projektet kapitale për të cilat është planifikuar që të ndahet një pjesë e konsiderueshme e buxhetit për vitin e ardhshëm.

Drejtori për Ekonomi, Financa dhe Zhvillim, z.Qamil Kolloni, theksoi disa nga objektivat që synon të arrijë Komuna e Dragashit gjatë vitit 2024, sa i përket rritjes së punësimit të grave dhe vajzave në institucionet publike lokale.

Në këtë dëgjim buxhetor morën pjesë edhe anëtarë të Asamblesë Komunale. Procesverbali me kërkesat, pyetjet, vërejtjet dhe sugjerimet e qytetarëve do të publikohet në uebfaqen zyrtare të Komunës së Dragashit.