2022/06/08 - 8:41
Zëvendëskryeministrja e Kosovës, Emilia Rexhepi, sot së bashku me bashkëpunëtorët e saj, si dhe Drejtoresha e IOM-it për Kosovën, Ana Rostovska me përfaqësuesit rajonalë të IOM-it, vizituan komunën e Dragashit.
Qëllimi i vizitës së sotme është para se gjithash njohja me problemet e saj me të cilat ballafaqohet komuna e Dragashit, si dhe një vizitë te përfituesit e projektit “Stabilizimi i Komuniteteve”
Në takim, me kërkesë të Zëvendëskryeministrës së Kosovës, kan qenë të ftuar këshilltarët nga komuniteti jo shumicë, si dhe Drejtorët e Drejtorateve nga komuniteti jo shumicë.
Në fjalën e tij hyrëse, kryetari Bexhet Xheladini e informoi zëvendëskryeministrën për të gjitha problemet kryesore me të cilat ballafaqohen banorët e Komunës së Dragashit, me theksë të veçantë në nevojat dhe problemet e komunitetit jo shumicë.
Kryetari i Komunës kërkoi mbështetjen e Qeverisë së Kosovës në realizimin e projekteve kapitale që nuk mund të financohen nga komuna.
Kryetari Xheladini përseriti dhe një herë kërkesat që ja pat parashtruar zv.Kryeministrës gjatë takimit në Prishtinë.
Ai kërkoi që sa ma shpejtë të fillojn punimet në rrugën Zhur-Dragash-Brod, Financimin e Projektit të Ujësjellsit për 15 Fshatrat nga Qeveria dhe Komuna, Ndërtimin e Rrugës Përgjat Lumit Pllava e cila lidh Kosovën me shqipërinë, hapjen e kalimit kufitar Restelicë -Strezimir në kohëzgjatje prej 6 muajsh asfalltimin e rrugës Zlipotok- Brod si dhe asfalltimin e kilometrit të fundit të rrugës Restelicë kufiri i Maqedonis.
Kryetari Xheladini gjithashtu kërkoi nga zv. Kryeministrja që të përdor autoritetin e vetë për të kaluar projektet që janë dorzuar në Ministrinë e Infrastrukturës dhe në Ministrinë e Administrimit të Pushtetit Lokal.
Kryetari i komunës ka kërkuar që Qeveria e Kosovës, në përputhje me përqindjen e minoriteteve, të marrë mjete nga Ministria e Vetëqeverisjes Lokale, sepse komuna e Dragashit është komuna me përqindjen më të lartë të minoriteteve në Kosovë.
Kryetari Bexhet Xheladini gjithashtu falënderoi kreun e IOM-it për mbështetjen dhe financimin e projekteve dhe kërkoi vazhdimin e aktiviteteve, veçanërishtë rritjen e numrit të projekteve nga të cilat përfitojnë të dy komunitetet si ai Boshnjako-Goran ashtu dhe ai Shqiptar.
Gjatë këtij takimi diskutuan edhe shefi zyrës së Komunitete Uzair Hamza,
Drejtori i Urbanizmit, Bean Haxhiasan, Drejtori i Shëndetësisë, Behar Brenoli, si dhe këshilltari nga Lëvizja për Gorën, Naxhmidin Sejdilar.
Në fund Zëvendëskryeministrja Emilia Rexhepi dha mbështetjen e saj të plotë në zgjidhjen e të gjitha problemeve dhe theksoi se është e gatshme të ndihmojë Komunën e Dragashit. Gjithashtu dhe Drejtoresha e IOM-it premtoj që dhe ma tutje do të vazhdoj të mbështes komunën e Dragashit me projekte.
Pas kësaj, delegacioni ka vizituar dy përfitues të programit “Stabilizimi i Komuniteteve”, i cili është implementuar në Brod.
