Në shenjë nderimi të 26-vjetorit të rënies së katër dëshmorëve të fshatit Krojmir, kryetari i Komunës së Lipjanit, z. Imri Ahmeti, së bashku me bashkëpunëtorët e tij, sot ka bërë homazhe dhe ka vënë kurorë lulesh pranë pllakës përkujtimore dhe kompleksit memorial “Katër dëshmorët” në fshatin Krojmir.

Kryetari Ahmeti theksoi se kujtimi për dëshmorët është gjithnjë një udhërrëfyes i rëndësishëm në përpjekjet për liri dhe drejtësi. Ai shtoi se sakrifica e tyre na obligon të punojmë me përkushtim për të ndërtuar një të ardhme më të mirë për brezat e ardhshëm.