Ky aktivitet, që tërhoqi vëmendjen e dashamirësve të aviacionit, dhe që solli një atmosferë të jashtëzakonshme përgjatë tri ditëve radhazi, u mbështet nga Komuna e Lipjanit dhe Projekti për Promovimin e Punësimit në Sektorin Privat (PPSE), i financuar nga Agjencia Zvicerane për Zhvillim dhe Bashkëpunim (SDC) dhe i zbatuar nga Swisscontact dhe Instituti Riinvest.

Ngjarja u shndërrua në një nga atraksionet më të mëdha ajrore në rajon, duke luajtur një rol të rëndësishëm në promovimin e turizmit dhe sporteve ajrore në Komunën e Lipjanit. Përmes këtij organizimi, u prezantua potenciali i jashtëzakonshëm për zhvillimin dhe nxitjen e aktiviteteve sportive ajrore .

Aktivitetet ofruan spektakle ajrore me fluturime të aeroplanëve të lehtë , deltaplanëve, paratrikëve, paramotorëve dhe teknologjive të dronëve, duke i dhënë mundësinë publikut të shijojë performanca të jashtëzakonshme nga pilotët pjesëmarrës.