Nënkryetari z. Bytyqi informoi anëtarët e KKSB-së për zhvillimet aktuale, duke njoftuar gjithashtu për miratimin e buxhetit të Komunës, i cili u aprovuar në seancën e fundit të kuvendit.

“Në seancën e fundit të Kuvendit të Komunës së Lipjanit është miratuar buxheti në vlerë prej 24,897,038 euro, i cili pritet të kontribuojë në realizimin e projekteve të shumta zhvillimore në të gjithë komunën,” tha Nënkryetari z. Bytyqi.

Gjatë takimit, komandanti i Policisë së Kosovës për Lipjan, z. Argjend Gashi, prezantoi një raport të detajuar mbi gjendjen e sigurisë në komunë, duke përfshirë statistika për shkeljet në trafik, dhe vlerësoi se gjendja e përgjithshme e sigurisë është e qetë.

Anëtarët e KKSB-së theksuan rëndësinë e bashkëpunimit ndërinstitucional dhe bënë thirrje për angazhim më të madh të qytetarëve në bashkëpunim me policinë për përmirësimin e sigurisë në komunitet.