Ky aktivitet, i organizuar nga Drejtoria e Shëndetësisë dhe Përkujdesjes Sociale, udhëhequr nga drejtori z. Shkelzen Hajdini dhe Zyra për Barazi Gjinore, kishte për qëllim të përcillte mesazhin e rëndësisë së diagnostikimit të hershëm dhe mbështetjes për të gjitha gratë që përballen me këtë sëmundje.

Në këtë aktivitet u theksua se, përkundër përfundimit të muajit Rozë, kontrollimet me mamografi në Qendrën Kryesore të Mjekësisë Familjare (QKMF) “Dr. Mehdi Zejnullahu” në Lipjan, do të vazhdojnë gjatë gjithë vitit, duke ofruar mundësi për diagnostikim të hershëm dhe parandalimin e kancerit të gjirit.