Kjo marrëveshje ka për qëllim të rrisë kapacitetet e fermerëve përmes ofrimit të mekanizmave të avancuar bujqësorë, duke përmirësuar kështu prodhimin dhe qëndrueshmërinë ekonomike të bujqësisë në Komunën e Lipjanit.

Kryetari z. Ahmeti theksoi rëndësinë e këtij bashkëpunimi për zhvillimin e sektorit bujqësor dhe përkrahjen e fermerëve.

“Kjo marrëveshje përfaqëson një mundësi të mirë për fermerët e komunës sonë, duke u mundësuar atyre qasje në pajisje dhe teknologji moderne, që do të ndihmojnë në rritjen e prodhimit bujqësor dhe zhvillimin e mëtejshëm të ekonomisë rurale,” tha kryetari Ahmeti.

Nga ana tjetër, drejtori i organizatës Islamic Relief Kosova, z. Muhamed Soliman, theksoi se bashkëpunimi me Komunën e Lipjanit është një hap i rëndësishëm për të siguruar që fermerët të kenë mjetet dhe mbështetjen e nevojshme për të përmirësuar kapacitetin e tyre prodhues në bujqësi.