Nënkryetari i Komunës së Lipjanit, z. Diamant Bytyqi, theksoi se shëndeti mendor është një komponent thelbësor i mirëqenies së përgjithshme.

“Përmes aktiviteteve të tilla, ne po u japim të rinjve mundësinë që të jenë më të kujdesshëm për shëndetin e tyre emocional, duke krijuar një mjedis ku ata mund të flasin hapur dhe të kërkojnë mbështetje kur është e nevojshme”, tha Nënkryetari Bytyqi.

Ndërsa drejtori i shkollës “Vëllezërit Frashëri”, z. Jakup Bahtiri, ka falënderuar Komunën e Lipjanit për mbështetjen në realizimin e këtij aktiviteti, i cili shënon një hap të rëndësishëm drejt edukimit të nxënësve për rëndësinë e shëndetit mendor.

Nga një mesazh për rëndësinë e shëndetit mendor patën edhe drejtori i Arsimit, z. Rasim Hasani, dhe zëdhënësja, znj. Hyra Bytyçi.

Ky aktivitet u mbështet nga Komuna e Lipjanit dhe përfshiu diskutime dhe aktivitete edukative, duke promovuar një qasje të kujdesshme ndaj shëndetit emocional dhe mendor.