2025/01/13 - 9:06
Komuna e Graçanicës, në bashkëpunim me OJQ “Nisma rinore e Graçanicës”, tradicionalisht edhe këtë vit do të organizojë festën e Vitit të Ri sipas kalendarit Julian nën qiellin e hapur me një program të pasur.
Viti i Ri Julian, Ortodoks apo Serb 2025, do të pritet në qendër të Graçanicës, në Sheshin e Çlirimtarëve para objektit të Komunës së Graçanicës, me një koncert të artistes së njohur të estradës, Sanja Vuçiq.
Në mesnatë do të organizohen fishekzjarret, ndërsa vizitorëve do t’u shërbehet, si vitet e kaluara, mish viçi i pjekur, vera dhe rakia e zier. Në kuadër të programit, Babadimri do t´i tërheqë edhe letrat e fëmijëve që kanë mbërritur në kutinë e tij postare.
Programi, në Sheshin e Çlirimtarëve, përkatësisht para objektit të Komunës së Graçanicës, do të fillojë në orën 21:30 me performancën e DJ vendor, ndërsa nga ora 22:30 deri në orën 12:30 do të performojë Sanja Vuçiq.
Sponsor dhe organizator i pritjes është Komuna e Graçanicës në bashkëpunim me OJQ-në “Nisma rinore e Graçanicës”, ndërsa promotor i manifestimit është Organizata turistike e Graçanicës.
